შეიტყვეთ ყველაფერი Google-ის ალგორითმის შესახებ.

რა არის Google-ის საძიებო ალგორითმი?

Google-ის საძიებო ალგორითმი განსაზღვრავს, რომელი ვებგვერდები გამოჩნდება მომხმარებლის მიერ ძიების შესრულების შემდეგ და რა თანმიმდევრობით.

ალგორითმი ითვალისწინებს უამრავ ფაქტორს, რათა გაიგოს, რომელი გვერდები პასუხობს საძიებო მოთხოვნას საუკეთესოდ და იმსახურებს მაღალ რეიტინგს (ანუ, საძიებო შედეგებში გამოჩენას). ეს ფაქტორებია: რამდენად რელევანტურია კონტენტი, სწრაფად იტვირთება თუ არა გვერდი, რამდენი სანდო ვებსაიტი აძლევს მას ბმულს და მრავალი სხვა.

მოდით, დეტალურად განვიხილოთ, როგორ მუშაობს Google-ის ალგორითმი და რა იყო მისი ყველაზე მნიშვნელოვანი განახლებები.

როგორ მუშაობს Google-ის საძიებო ალგორითმი?

Google-ის საძიებო ალგორითმი სინამდვილეში მრავალი ალგორითმისგან შედგება. მისი მუშაობა სამ ეტაპს ითვალისწინებს: გვერდების პივნა, მათი მონაცემთა ბაზაში შენახვა და სხვადასხვა საძიებო მოთხოვნისთვის ყველაზე შესაფერისი გვერდების ჩვენება.

აი, როგორ გამოიყურება გვერდების პოვნისა და რანჟირების პროცესი:

სკანირება (Crawling): Google-ი აღმოაჩენს გვერდებს, როგორც წესი, სხვა გვერდებიდან ან საიტის რუკებიდან (Sitemap) მომავალი ბმულების მეშვეობით.
ინდექსირება (Indexing): Google-ი აანალიზებს გვერდს, რათა დაადგინოს მისი თემატიკა, ორიგინალურობა და ხარისხი. ამის შემდეგ წყვეტს, დაამატოს თუ არა ის Google-ის ინდექსში (ყველა გვერდი არ ინდექსირდება).
რანჟირება (Ranking): როდესაც ვინმე ასრულებს ძიებას, Google-ი ათვალიერებს თავის ინდექსს და წყვეტს, რომელი გვერდები აჩვენოს და რა თანმიმდევრობით. სწორედ ამ ეტაპზე ერთვება ალგორითმი, რათა აჩვენოს ის გვერდები, რომლებიც, სავარაუდოდ, ყველაზე რელევანტური და სასარგებლო იქნება მომხმარებლისთვის.

რა არის Google-ის ალგორითმის ძირითადი რეიტინგის ფაქტორები?

რეიტინგის ფაქტორები არის კონკრეტული სიგნალები, რომლებსაც Google-ი იყენებს ვებგვერდების შესადარებლად და იმის გადასაწყვეტად, თუ რომელი მათგანი იმსახურებს საძიებო შედეგებში მოწინავე პოზიციებს.

მიუხედავად იმისა, რომ Google-ი, სავარაუდოდ, ასობით სიგნალს იყენებს, ეს არის ის ძირითადი კატეგორიები, რომლებსაც უდიდესი მნიშვნელობა აქვს:

1. კონტენტის რელევანტურობა

კონტენტი, ანუ შინაარსი, რომელიც მაქსიმალურად შეესაბამება იმას, რასაც ხალხი ეძებს, Google-ის სათავეში მოხვედრის მეტი შანსი აქვს.

Google-ი ცდილობს, გაიგოს თითოეული ძიების უკან მდგარი მიზეზი – ცნობილი როგორც საძიებო განზრახვა (Search Intent) – და შესთავაზოს კონტენტი, რომელიც ზუსტად პასუხობს მომხმარებლის მოლოდინს.

არსებობს საძიებო განზრახვის ოთხი ძირითადი ტიპი:

საინფორმაციო: მომხმარებელს სურს, რაღაცის შესახებ ისწავლოს.
კომერციული: მომხმარებელი ეძებს პროდუქტს/მომსახურებას ყიდვის/შეძენის გადაწყვეტილების მისაღებად.
ტრანზაქციული: მომხმარებელს სურს მოქმედების შესრულება, მაგალითად, ყიდვა.
ნავიგაციური: მომხმარებელი ეძებს კონკრეტულ ვებსაიტს ან ვებგვერდს.

იმის გასაგებად, თუ რა არის მომხმარებლის განზრახვა კონკრეტული საკვანძო სიტყვისთვის, უბრალოდ ჩაწერეთ ეს სიტყვა Google-ში და ნახეთ, რა ტიპის კონტენტია უკვე მოწინავე პოზიციებზე.

თქვენ შეგიძლიათ აჩვენოთ Google-ს, რომ თქვენი კონტენტი რელევანტურია, თუ თქვენს მიერ შერჩეულ საკვანძო სიტყვას ბუნებრივად გამოიყენებთ გვერდის შემდეგ ნაწილებში:

სათაურის თეგი (Title Tag): HTML სათაური, რომელიც ბრაუზერის ჩანართში ჩანს და ხშირად საძიებო შედეგებშიც.
URL-ის სლაგი (URL Slug): URL-ის ბოლო ნაწილი, რომელიც გვერდის იდენტიფიკატორია.
H1: გვერდის მთავარი სათაური, რომელიც უნდა ემთხვეოდეს ან ძალიან ჰგავდეს თქვენს Title Tag-ს.
მეტა აღწერა (Meta Description): გვერდის მოკლე HTML აღწერა, რომელიც შეიძლება გამოჩნდეს საძიებო შედეგებში. ის პირდაპირ არ მოქმედებს რეიტინგზე, მაგრამ გავლენას ახდენს კლიკების რაოდენობაზე.
ძირითადი ტექსტი (Body Text): თქვენი ვებგვერდის მთავარი კონტენტი.

2. კონტენტის ხარისხი

Google-ი უპირატესობას ანიჭებს კონტენტს, რომელიც აჩვენებს გამოცდილებას, ექსპერტიზას, ავტორიტეტულობას და სანდოობას (E-E-A-T), რათა გაზარდოს ალბათობა, რომ შედეგები სასარგებლო და ღირებული იქნება მომხმარებლისთვის.

E-E-A-T არ არის ოფიციალური რეიტინგის ფაქტორი, მაგრამ ის Google-ის საძიებო ხარისხის შემფასებელთა სახელმძღვანელოს ნაწილია და გვეხმარება, გავიგოთ, რა არის ხარისხიანი კონტენტი.

როგორ ვაჩვენოთ E-E-A-T?

გამოაქვეყნეთ სასარგებლო ინფორმაცია, რომელიც აკმაყოფილებს მომხმარებლის საძიებო განზრახვას.
შექმენით დამატებითი ღირებულება – ნუ გაიმეორებთ იმ ინფორმაციას, რომელიც უკვე არსებობს.
მკაფიოდ მიუთითეთ ყველა წყარო, რომელსაც იყენებთ (დარწმუნდით, რომ ისინი სანდო და განახლებულია).
თუ შესაძლებელია, აჩვენეთ პირველი პირის გამოცდილება.

მაგალითად, Healthline ხაზს უსვამს, რომ სტატიებს წერენ და განიხილავენ კვალიფიციური პროფესიონალები:

თქვენი კონტენტი დააწერინეთ ან შეამოწმებინეთ სფეროს ექსპერტებს, რათა მკითხველის ნდობა მოიპოვოთ.

მაგალითად:

ზოგიერთ ადამიანს შეიძლება სურდეს საავტომობილო ექსპერტის აზრის წაკითხვა. ზოგს კი შეიძლება ურჩევნია პირდაპირ მოისმინოს იმ ადამიანისგან, ვინც რეალურად ფლობს მანქანას და ყოველდღიურად იყენებს მას.

3. მომხმარებლის გამოცდილება (User Experience)

მომხმარებლის გამოცდილება მნიშვნელოვან როლს თამაშობს Google-ის რეიტინგში. ეს ნიშნავს, რომ თქვენი გვერდების მარტივად გამოყენება რეიტინგში უპირატესობას მოგცემთ.

კარგი მომხმარებლის გამოცდილების მქონე გვერდები, როგორც წესი:

სწრაფად იტვირთება (2.5 წამში ან ნაკლებ დროში).
აქვს მობილურზე მორგებული დიზაინი.
არ შეიცავს გამაღიზიანებელ pop-up-ებს ან გადაჭარბებულ რეკლამას.
აქვს მკაფიო ნავიგაცია და ლოგიკური ვებსაიტის სტრუქტურა.
იყენებს უსაფრთხო კავშირს (HTTPS).

გვერდის ჩატვირთვის სისწრაფის შესამოწმებლად გამოიყენეთ Google-ის უფასო PageSpeed Insights ინსტრუმენტი.

ინსტრუმენტი ქმნის Core Web Vitals (CWV) ანგარიშს, რომელიც მოიცავს რჩევებს, თუ როგორ გავაუმჯობესოთ სიჩქარე სამი CWV მეტრიკის საფუძველზე.

4. Backlinks (უკუ-ბმები)

ბექლინკები, არის ბმულები სხვა ვებსაიტებიდან, რომლებიც თქვენს გვერდებზე მიუთითებს. ისინი მუშაობს როგორც „ნდობის ხმები“, რომლებსაც Google-ი იყენებს იმის დასანახად, რომ თქვენი კონტენტი ღირებული და სანდოა.

როგორც წესი, რაც უფრო პოპულარულია საკვანძო სიტყვა, მით უფრო რთულია მისთვის რეიტინგის მოპოვება. თქვენს ნიშაში ავტორიტეტული ვებსაიტებიდან მეტი ბექლინკის მიღება დაგეხმარებათ მოწინავე პოზიციების დაკავებაში.

5. თემატური ავტორიტეტი (იყავი ენციკლოპედია და არა ფლაერი)

წარმოიდგინეთ განსხვავება სარეკლამო ფლაერსა და ენციკლოპედიას შორის. ფლაერი ზედაპირულ ინფორმაციას გაწვდის, ენციკლოპედია კი – თემის სრულ და სიღრმისეულ ანალიზს. Google-საც „ენციკლოპედიები“ ურჩევნია.

როგორ გახდეთ „ენციკლოპედია“? ამისთვის ქმნიან „თემატურ კლასტერებს“.

ეს ნიშნავს, რომ ერთი დიდი, ცენტრალური თემის (მაგალითად, „ციფრული მარკეტინგი“) გარშემო ქმნით უამრავ დაკავშირებულ სტატიას, რომლებიც პასუხობენ ყველა შესაძლო კითხვას:

„როგორ მუშაობს SEO?“
„რა ღირს რეკლამა სოციალურ ქსელში?“
„საუკეთესო ინსტრუმენტები მარკეტერისთვის“

და რაც მთავარია, ყველა ამ გვერდს ერთმანეთთან და მთავარ გვერდთან აკავშირებთ ლინკებით. ამით თქვენ ქმნით ერთიან, მძლავრ რესურსს, რაც Google-ს არწმუნებს, რომ თქვენი საიტი ამ თემაში ნამდვილი ავტორიტეტია.

6. კონტექსტი

Google-ი საძიებო შედეგებს არგებს ისეთ კონტექსტურ ფაქტორებს, როგორიცაა მომხმარებლის მდებარეობა, მოწყობილობის ტიპი და ძიების ისტორია.

ეს ნიშნავს, რომ რეიტინგის პოზიციები ფიქსირებული არ არის. თქვენი გვერდი შეიძლება სხვადასხვა ქალაქში, სხვადასხვა დროს და განსხვავებული ძიების ისტორიის მქონე მომხმარებლებისთვის განსხვავებულად გამოჩნდეს.

SEO მითები, რომლებიც უნდა დაივიწყოთ

SEO-ში არსებობს რამდენიმე თემა, რომლებზეც მუდმივად დავობენ, მაგრამ რეალურად ისე არ მუშაობს, როგორც ბევრს ჰგონია. მოდით, დავამსხვრიოთ რამდენიმე მითი:

საიტის ასაკი: Google-ს არ აინტერესებს, თქვენი საიტი 5 წლისაა თუ 15-ის. მისთვის მთავარია არა პასპორტის ასაკი, არამედ ის ღირებულება და ხარისხიანი კონტენტი, რაც წლების განმავლობაში დააგროვეთ.
Bounce Rate (საიტიდან მალე გასვლა): წლების განმავლობაში Google ამბობდა, რომ ამას მნიშვნელობა არ აქვს. თუმცა, ცოტა ხნის წინ გაჟონილი ინფორმაციის მიხედვით, შესაძლოა, გავლენა მაინც ჰქონდეს. თუმცა, ეს ნამდვილად არ არის ფაქტორი, რომელზეც ღირს ნერვიულობა.
სიტყვების რაოდენობა: არ არსებობს სტატიის „იდეალური“ სიგრძე ან ჯადოსნური რიცხვი. მთავარია, თემას სრულად და ამომწურავად უპასუხოთ. ზოგჯერ ამას 500 სიტყვა სჭირდება, ზოგჯერ კი – 5000.
საკვანძო სიტყვის 100-ჯერ გამეორება: ტექსტში ერთი და იგივე სიტყვის ბევრჯერ ჩაწერა მას უკეთესს არ გახდის, პირიქით, სპამად აღიქმება. მთავარია, ტექსტი იყოს ბუნებრივი, სასარგებლო და მარტივად წასაკითხი.

Google-ის ალგორითმის განახლებების მოკლე ისტორია

Google-ი მუდმივად აუმჯობესებს თავის საძიებო ალგორითმს, რათა გაზარდოს შედეგების ხარისხი და რელევანტურობა და თავიდან აიცილოს სპამ ტაქტიკები.

აი, Google-ის რამდენიმე ყველაზე მნიშვნელოვანი ალგორითმის განახლება:

განახლების სახელი და თარიღი	აღწერა
ლოიალობის პროგრამების მარკირება, 2025 წლის ივნისი	დაემატა ლოიალობის პროგრამებისთვის განკუთვნილი სტრუქტურირებული მონაცემების ახალი ტიპის მხარდაჭერა. ეს ბიზნესს საშუალებას აძლევს, პირდაპირ საძიებო შედეგებში აჩვენოს ლოიალობის პროგრამის უპირატესობები, როგორიცაა ფასდაკლებები წევრებისთვის.
საძიებო შედეგების გამარტივება, 2025 წლის ივნისი	საძიებო შედეგების გვერდის გასამარტივებლად, Google-მა შეწყვიტა ნაკლებად გამოყენებადი სტრუქტურირებული მონაცემების რამდენიმე ტიპის (მაგ. კურსის ინფორმაცია, ხელფასის მოლოდინი) მხარდაჭერა. ცვლილება აუქმებს კონკრეტულ ვიზუალურ ელემენტებს (Rich Snippets), თუმცა გავლენას არ ახდენს გვერდების ძირითად რეიტინგზე.
AI ძიებისთვის კონტენტის ოპტიმიზაცია, 2025 წლის მაისი	გამოქვეყნდა ოფიციალური რეკომენდაციები, თუ როგორ უნდა მოხდეს კონტენტის ოპტიმიზაცია Google-ის AI-ზე დაფუძნებული ძიებისთვის (მაგ. AI Overviews). ძირითადი აქცენტებია: უნიკალური, ადამიანზე ორიენტირებული კონტენტი, კარგი გვერდის გამოცდილება და ტექნიკური გამართულობა.
Robots.txt პროტოკოლის განახლება, 2025 წლის მარტი	დაიწყო Robots.txt ფაილის მართვის პროტოკოლის (REP) განხილვა და მოდერნიზაცია. მიზანია სკანირების წესების სტანდარტიზაცია და მისი მომავლის მოთხოვნებთან მისადაგება, რათა საიტის მფლობელებს სკანირების მართვის უფრო მოქნილი და საიმედო მექანიზმი ჰქონდეთ.
URL-ის ჩვენების გამარტივება მობილურზე, 2025 წლის იანვარი	გაამარტივა URL-ის ჩვენება მობილური ძიების შედეგებში. საიტის სტრუქტურის მაჩვენებელი ნაწილი (breadcrumb) მოშორდა და ახლა მხოლოდ დომენის სახელი ჩანს, რაც ვიზუალს უფრო დახვეწილს ხდის.
სპამის განახლება, 2024 წლის მარტი	გააძლიერა Google-ის უნარი, აღმოაჩინოს სპამ ტაქტიკები, როგორიცაა ვადაგასული დომენების გამოყენება, დაბალი ხარისხის კონტენტის მასობრივი გამოქვეყნება და მესამე მხარის კონტენტის უყურადღებოდ განთავსება.
სასარგებლო კონტენტის განახლება, 2022 წლის აგვისტო	დანერგა სასარგებლო, ადამიანზე ორიენტირებული კონტენტის დაჯილდოების მექანიზმი.
BERT განახლება, 2019 წლის ოქტომბერი	გააუმჯობესა Google-ის მიერ ბუნებრივი ენისა და საძიებო კონტექსტის გაგება, რათა უკეთ შეესაბამებინა მოთხოვნები რელევანტურ შედეგებთან.
RankBrain განახლება, 2015 წლის ოქტომბერი	Google-ის პირველი AI სისტემა, რომელიც დაეხმარა საძიებო სისტემას ახალი მოთხოვნების უკეთ გაგებაში.
მობილურზე მორგების განახლება, 2015 წლის თებერვალი	მობილურთან თავსებადობა აქცია მნიშვნელოვან რეიტინგის ფაქტორად და პრიორიტეტი მიანიჭა გვერდებს, რომლებიც კარგად მუშაობს მობილურ მოწყობილობებზე.
Hummingbird განახლება, 2013 წლის სექტემბერი	გააუმჯობესა, თუ როგორ იგებდა Google-ი საძიებო მოთხოვნების მნიშვნელობას და როგორ უსაბამებდა მათ რელევანტურ შედეგებს.
Penguin განახლება, 2012 წლის აპრილი	მიზნად ისახავდა მანიპულაციური ლინკ ბილდინგის პრაქტიკებსა და საკვანძო სიტყვების გადაჭარბებულ გამოყენებას (Keyword Stuffing).
Panda განახლება, 2011 წლის თებერვალი	მიზნად ისახავდა დაბალი ხარისხის საიტების რეიტინგის შემცირებას და იმ საიტების წახალისებას, რომლებიც ხარისხზე არიან ფოკუსირებული.

google-ის განახლებამ დაგაზარალათ?

აი, 3 ნაბიჯი სიტუაციის გამოსასწორებლად

თუ შეამჩნიეთ, რომ Google-ის ბოლო განახლების შემდეგ თქვენი საიტის პოზიციები დაეცა, პანიკა საჭირო არ არის. იმოქმედეთ გეგმის მიხედვით:

ნაბიჯი 1: ჯერ დარწმუნდით, რომ პრობლემა ნამდვილად განახლებაა
სანამ დასკვნებს გამოიტანთ, შეამოწმეთ Google-ის ოფიციალური Search Status Dashboard-ი. თუ იქ ახალი განახლებაა დაფიქსირებული, ესე იგი, სწორ გზაზე ხართ. თუ არა, პრობლემა შეიძლება სხვა რამეში იყოს (მაგალითად, ტექნიკური ხარვეზი საიტზე).

ნაბიჯი 2: გააანალიზეთ ზიანი და გაიგეთ მიზეზი
შეეცადეთ, გაიგოთ, რას ემსახურებოდა ეს განახლება. Google ხშირად წერს, რატომ აკეთებს ცვლილებას. იქნებ უხარისხო კონტენტს ებრძვის? თუ სპამურ ლინკებს? შემდეგ, შედით Google Search Console-ში და ნახეთ, კონკრეტულად რომელი გვერდების პოზიციები დაეცა. იქნებ ზოგიერთმა პირიქით, მოიმატა? ეს დაგეხმარებათ, პრობლემის სათავე იპოვოთ.

ნაბიჯი 3: შექმენით გამოსწორების გეგმა (ოღონდ აუჩქარებლად!)
პირველი და მთავარი რჩევა – ნუ იჩქარებთ! განახლების შემდეგ შედეგები კიდევ რამდენიმე დღე „ითამაშებს“. დაელოდეთ, სანამ ყველაფერი დაწყნარდება.

ამის შემდეგ, გახსენით ის გვერდები, რომლებიც ახლა თქვენს ადგილას არიან და შეადარეთ თქვენსას. რა გააკეთეს მათ უკეთესად? იქნებ თემა უფრო სიღრმისეულად გაშალეს? იქნებ უკეთესი მაგალითები მოიყვანეს? იპოვეთ, რა დააკელით თქვენ და მხოლოდ ამის შემდეგ დაიწყეთ თქვენი კონტენტის განახლება და გაუმჯობესება.

4 Comments

Mira4218
სექტემბერი 5, 2025
პასუხი
სტატია ძალიან კარგად ეხება იმ ცვლილებებს, რაც ხელოვნური ინტელექტის ინტეგრაციამ შეიძლება მოიტანოს. საინტერესო და აქტუალური თემაა.
Sarah1650
სექტემბერი 6, 2025
პასუხი
სტატია ნათლად აჩვენებს, რა გამოწვევებს და ცვლილებებს უნდა ველოდეთ Google-ში AI-ის გამო. ღირებული ინფორმაციაა.
Dominique144
სექტემბერი 6, 2025
პასუხი
ძალიან საინტერესო თემაა – AI ნამდვილად ცვლის თამაშის წესებს და სტატია ამას კარგად უსვამს ხაზს.
Alfredo2427
სექტემბერი 8, 2025
პასუხი
მესმოდა, რომ ხელოვნური ინტელექტი გავლენას ახდენდა ძიებაზე, მაგრამ აქ კონკრეტულად და გასაგებადაა ახსნილი. 👍

როგორ მუშაობს Google-ის საძიებო ალგორითმი

სარჩევი

რა არის Google-ის საძიებო ალგორითმი?

როგორ მუშაობს Google-ის საძიებო ალგორითმი?