Google Search ადასტურებს, რომ გვერდზე შედეგების რაოდენობის პარამეტრს აღარ უჭერს მხარს

როგორც ჩანს, ეს ცვლილება არ არის ბაგი, არამედ განზრახ განხორციელებული ნაბიჯია იმაზე, როგორ აჩვენებს Google ძიების შედეგებს.

12 სექტემბერს, Google-მა გამორთო ფუნქცია, რომელიც URL პარამეტრის გამოყენებით ერთ გვერდზე 100 შედეგის ნახვის საშუალებას იძლეოდა. მას შემდეგ რანკ-ჩეკერის ხელსაწყოები ქაოსში აღმოჩნდნენ, და თავად Google Search Console-შიც მკვეთრად შემცირდა მონაცემების რაოდენობა.

Google-ის განცხადება

Google-ის სპიკერმა განაცხადა:

„ამ URL პარამეტრის გამოყენება ჩვენი ოფიციალურად მხარდაჭერილი ფუნქცია არასოდეს ყოფილა.“

რა არ თქვა Google-მა:

მიუხედავად იმისა, რომ ეს პარამეტრი ოფიციალურად არასოდეს ყოფილა მხარდაჭერილი, წლების განმავლობაში ის მუშაობდა. 2018 წელს Google-მა ამოიღო ინტერფეისიდან ფუნქცია, რომელიც მომხმარებელს აძლევდა საშუალებას ეთქვა, რამდენი შედეგი ეჩვენებინა გვერდზე. თუმცა &num=100 პარამეტრი URL-ში კვლავ მოქმედებდა — სანამ შაბათს, 13 სექტემბერს, ღამით მოულოდნელად არ შეწყდა.

ვკითხეთ Google-ს, იყო თუ არა ეს ბაგი თუ ფუნქციური ცვლილება — მაგრამ მხოლოდ ზემოთ მოყვანილი პასუხი მივიღეთ.

Google არ განმარტავს, რატომ მოხდა ეს. იქნებ უნდოდათ, არალეგალური სკრეიპერებისთვის ხელი შეეშალათ? ან უნდოდათ OpenAI-ს შეზღუდვა?

შეიცვალა თუ არა Search Console-ის მონაცემები?

ბევრი საიტი აცხადებს, რომ ე.წ. “impression“-ის მონაცემები მკვეთრად დაეცა. გამოდის, რომ მანამდე ეს მონაცემები რეალურად ბოტებისგან მოდიოდა და ახლა უფრო რეალისტური ხდება?

მოკლედ, პასუხებზე მეტი კითხვები დაგვიგროვდა SEO მკვლევარებს.

num=100 გაქრა.

Google-ის განცხადებით, ნათლად ჩანს, რომ num=100 პარამეტრი აღარ იმუშავებს.

რატომ არის ეს მნიშვნელოვანი:

თუ იყენებდით ამ პარამეტრს, მომავალში ვეღარ გამოიყენებთ. მესამე მხარის ხელსაწყოებს (rank tracking tools) მოუწევთ მორგება. Search Console-ის მონაცემებიც შესაძლოა რეალურ მომხმარებელთა ქცევაზე მეტად იყოს ორიენტირებული.