ლოკალური SEO: კონკურენტების ანალიზი ადგილობრივ ორგანულ ძიებაში

ამ ანალიზის შემდეგ, უკვე ზუსტად გეცოდინებათ, რა ინფორმაცია გაქვთ, რაც დაგეხმარებათ სასურველი შედეგების მიღწევაში.

როცა კონკურენტების კონტენტს აკვირდებით, შეგიძლიათ გაარკვიოთ:

• რა თემებზე წერენ ისინი.
• საშუალოდ რამდენი სიტყვისგან შედგება მათი სტატიები.
• რამდენად ხშირად აახლებენ კონტენტს.

ამ პროცესის გავლით უკეთ გაიგებთ, რას აკეთებენ ისინი. ასე რომ, შეძლებთ თქვენი კონტენტის სტრატეგია მოარგოთ და მათ აჯობოთ.

ლინკების დათვალიერებით კი შეგიძლიათ გაიგოთ:

• რამდენ ლინკს იღებენ კონკურენტები.
• რა ტიპის ლინკებია ეს.
• საიდან იღებენ მათ.
• რამდენად ხშირად მოიპოვებენ.
• როდის იღებენ ლინკებს, ძირითადად.

საიტზე არსებული ფაქტორების, მაგალითად, ონ-ფეიჯ ოპტიმიზაციის შესწავლით, შეძლებთ შექმნათ ისეთი სტრატეგია, რომელიც მათ ადგილობრივ მიდგომას აჯობებს და უფრო დიდხანს იმუშავებს.

ამ ადგილობრივი კონკურენტების ანალიზში შეტანილი ყველა ფაქტორი დაგეხმარებათ გამარჯვებული სტრატეგიის ჩამოყალიბებაში.

რა ფაქტორები უნდა შევიტანოთ ადგილობრივი კონკურენციის ანალიზში?

როცა თქვენს ბაზარზე, ნიშასა და ადგილმდებარეობაზე ხართ ფოკუსირებული, აუცილებლად უნდა ჩაატაროთ ღრმა ადგილობრივი კონკურენციის ანალიზი.

თავდაპირველად, ასეთი ანალიზი შემდეგ ფაქტორებს მოიცავს:

1. კონტენტი.
2. ლინკები.
3. ონ-ფეიჯ SEO.

უფრო სიღრმისეულად თუ ჩავალთ, ადგილობრივი კონკურენციის ანალიზი უნდა მოიცავდეს შემდეგ დეტალებს, რათა ბაზრის კონკურენტუნარიანობაზე მკაფიო სურათი მიიღოთ.

გაითვალისწინეთ, რომ ყველა ეს ფაქტორი აუცილებლად არ ზრდის ადგილობრივ რეიტინგს. ზოგიერთი მათგანი კი, მაგრამ დანარჩენი იმისთვისაა, რომ დაგეხმაროთ შექმნათ სწორი ადგილობრივი სტრატეგია, თქვენი კონკურენტების ქმედებებზე დაყრდნობით, რომელიც მიგიყვანთ გამარჯვებამდე.

ლინკები

1. ლოკალური SEO დირექტორიები.
2. ნიშური ადგილობრივი საიტები.
3. სარედაქციო ადგილობრივი ლინკები (ანუ, სხვა საიტებიდან სტატიებში ან პუბლიკაციებში მოცემული ლინკები).
4. სავაჭრო პალატის ლინკები.
5. ადგილობრივი .GOV ლინკები (სამთავრობო საიტებიდან).
6. ადგილობრივი .EDU ლინკები (საგანმანათლებლო დაწესებულებების საიტებიდან).

კონტენტი

1. ვინ წერს კონტენტს?
2. რაზეა კონტენტი?
3. როდის იწერება?
4. სად არის კონტენტი ფოკუსირებული (ადგილობრივად)?
5. რატომ იწერება კონტენტი?
6. რამდენი გაზიარება აქვს კონტენტს სოციალურ ქსელებში?
7. რამდენი მიმოხილვაა ჩამოთვლილი?

ონ-ფეიჯ ტექნიკური SEO

1. მაღალი ხარისხის, სწორად დაწერილი HTML და CSS კოდი.
2. Schema.org კოდირება ლოკალური SEO-სთვის.
3. ადგილობრივად ოპტიმიზებული სათაურის ტეგები.
4. ადგილობრივად ოპტიმიზებული მეტა აღწერილობები.
5. ადგილობრივად ოპტიმიზებული URL-ები.
6. ადგილობრივად ოპტიმიზებული ტექსტი გვერდზე,
7. მკაფიო თემითა და საკვანძო სიტყვების ფოკუსით.

რას უნდა მიაქციოთ ყურადღება კონკურენტების ანალიზის დროს?

ეს კონკურენტების ანალიზი Google-ის ტოპ 10 შედეგზე უნდა იყოს ორიენტირებული.

მოძებნეთ თქვენი ადგილობრივი ტერიტორია + საკვანძო ფრაზა იმ სფეროში, რომელზეც მუშაობთ (მაგალითად, [Orange County personal injury lawyers]).

გამოიყენეთ ლინკების ანალიზის რამდენიმე ინსტრუმენტი, როგორიცაა Google Search Console, Majestic, Semrush, Raven Tools და Ahrefs. ექსპორტი გაუკეთეთ ყველა მონაცემს, დააჯგუფეთ ისინი და გააანალიზეთ ლინკების პროფილი.

გირჩევთ, სულ მცირე, ორი ან სამი ლინკების პროფილის ანალიზის ინსტრუმენტი გამოიყენოთ, რადგან ცალკეულ ინსტრუმენტებს ხშირად არ აქვთ სრული მონაცემები.

ამ ლინკების პროფილში შემდეგ დეტალებს დააკვირდით:

ადგილობრივი SEO დირექტორიები

• რა დირექტორიებში არიან ეს საიტები?
• რა ნიშური ადგილობრივი ლინკები აქვთ მათ?
• რა სახის სარედაქციო ადგილობრივი ლინკები აქვთ?
• აქვთ თუ არა სავაჭრო პალატის ლინკები და თუ აქვთ, რომელი?
• აქვთ თუ არა ადგილობრივი .gov ან .edu ლინკები?

დირექტორიები დღესაც მუშაობს, როგორც ლინკების მოპოვების ტაქტიკა, თუ ეს მაღალი ხარისხის ლინკებით კეთდება და არ ჰგავს სპამს.

ეძებეთ ისეთი დირექტორიები, რომლებიც არ არის სავსე სარეკლამო სპამით. ეს ნიშნავს, რომ მათ არ უნდა ჰქონდეთ რეკლამები ეკრანის ზედა ნაწილში და რეკლამები არ უნდა უშლიდეს ხელს ადამიანებს ლინკის ძებნაში. ასეთი დირექტორიები, როგორც წესი, სუფთა, მაღალი ხარისხისაა და მაღალი ავტორიტეტის მქონე ლინკებს იძლევიან.

ნიშური ადგილობრივი საიტები

ნიშური ადგილობრივი საიტები არის ის საიტები თქვენს ინდუსტრიაში, რომლებიც ადგილობრივ დონეზე ავტორიტეტულად ითვლებიან თავიანთ თემებზე.

ეს შეიძლება იყოს ყველაფერი – ცხოველთა უფლებების ორგანიზაციებიდან საქველმოქმედო ორგანიზაციებამდე ან სხვა საიტებამდე, რომლებიც ავტორიტეტს მატებენ თქვენს ლინკს.

ასეთი ლინკების მოპოვებისას მთავარი იდეა ისაა, რომ ისინი აუცილებლად მაღალი ხარისხის უნდა იყოს და არავითარ შემთხვევაში არ უნდა შეიცავდეს სპამს.

ეს საიტები შესაძლოა ადგილობრივ პარტნიორებადაც გამოდგნენ.

ჩვენ ვცდილობთ შევაფასოთ, რამდენად რეალურია კონკურენტის დამარცხება ძიების შედეგებში. არ გვინდა მათი ლინკების პროფილის პირდაპირ კოპირება.
რეიტინგის მიღწევის რეალურობის შეფასება გაგიადვილებთ შემდგომში საერთო ლინკების სტრატეგიის განსაზღვრას.

და მიზეზი, თუ რატომ არ გვინდა მათი ლინკების პროფილის კოპირება, მარტივია: მე არ შემიძლია ყოველ ნაბიჯზე გაგიწიოთ ხელმძღვანელობა.

თუ შეცდომას დაუშვებთ და დაბალი ხარისხის ლინკით მოახდენთ ოპტიმიზაციას, საბოლოოდ შეიძლება დაისაჯოთ, თუ ძალიან ბევრ ასეთ ლინკს მიიღებთ.

სავაჭრო პალატის ლინკები

სავაჭრო პალატის ლინკები კარგი ლოკალური SEO-სთვის აუცილებელია.

ისინი მაღალ ავტორიტეტს იძლევიან, შეიძლება იყვნენ პარტნიორული ტიპის ლინკიები და ასევე შეუძლიათ ადგილობრივი ბიზნესის მოზიდვა.

თუმცა, მნიშვნელოვანია აღინიშნოს, რომ ყველა სავაჭრო პალატის ლინკი არ იქნება .gov დომენით.

ადგილობრივი .gov და .edu ლინკები
ეს ლინკები შეიძლება იყოს ადგილობრივი სამთავრობო ოფისებიდან ან საქველმოქმედო ორგანიზაციებიდან ადგილობრივ სკოლებამდე.

.gov და .edu ლინკები უბრალოდ დიდი ბონუსია.

.gov და .edu ლინკების მნიშვნელობა არ შეცვლილა.

ისინი კვლავაც რჩება ერთ-ერთ უმაღლესი ხარისხის ლინკებად.

კონტენტის განხილვა ადგილობრივი კონკურენტების ანალიზისთვის

ადგილობრივი კონკურენტების ანალიზისთვის მონაცემების შეგროვებისას მნიშვნელოვანია შემდეგი საკითხების გათვალისწინება:

• ვინ წერს კონტენტს?
• რაზეა კონტენტი?
• როდის იწერება კონტენტი?
• სად არის კონტენტი ადგილობრივად ფოკუსირებული?
• რატომ იწერება კონტენტი?

ყველა ზემოთ მოყვანილი ფაქტორი დაგეხმარებათ განსაზღვროთ, რა კონტენტს განათავსებთ საიტზე და როგორ იმოქმედოთ შემდგომში.

გაითვალისწინეთ, რომ Google-ის წარმომადგენელმა ჯონ მიულერმა განაცხადა, რომ კონტენტს არ აქვს

„მინიმალური სიგრძე და არც მინიმალური სტატიების რაოდენობა დღეში, რომელიც უნდა განათავსოთ, არც მინიმალური გვერდების რაოდენობა ვებსაიტზე. უმეტეს შემთხვევაში, ხარისხი რაოდენობაზე უკეთესია. ჩვენი ალგორითმები ცდილობენ იპოვონ და ურჩიონ მომხმარებლებს მაღალი ხარისხის, უნიკალური და მიმზიდველი კონტენტის მქონე ვებსაიტები. არ აავსოთ თქვენი საიტი დაბალი ხარისხის კონტენტით. ამის ნაცვლად, იმუშავეთ იმაზე, რომ თქვენი საიტი იყოს საუკეთესო თავის სფეროში.“

ონ-ფეიჯ ტექნიკური SEO

URL-ის ძირითადი საუკეთესო პრაქტიკა

ეს ნიშნავს: ყოველთვის დარწმუნდით, რომ თქვენი საიტი ადგილობრივი თვალსაზრისით ადვილად აღმოჩენადი და დასათვალიერებელია საძიებო სისტემებისთვის.

მაღალ მიზნობრივი, ნიშური საკვანძო ფრაზების გამოყენებისას, ჩართეთ ისინი URL-ში, როდესაც გვერდს ასახელებთ.

თუ თქვენი საიტი ტექნიკურად არ არის გამართული და საძიებო სისტემებისთვის ადვილად აღმოჩენადი, ვერ ელოდებით, რომ Google მას სათანადოდ დაარეიტინგებს.

მაღალი ხარისხის, სწორად დაწერილი HTML და CSS კოდი

დიახ, ვაცნობიერებ, რასაც სეო პროფესიონალების უმეტესობა იტყვის: მაღალი ხარისხის, სწორად დაწერილ HTML და CSS კოდს მნიშვნელობა არ აქვს.
მიუხედავად იმისა, რომ Google-ს პირდაპირ ასეთი მოთხოვნები არ აქვს, მაღალი ხარისხის კოდირებას ნამდვილად აქვს მნიშვნელობა და შეუძლია რეიტინგების მნიშვნელოვნად გაუმჯობესება, როგორც ხარისხის ერთ-ერთ ატრიბუტს.

როდესაც სწორად აკოდირებთ, ამცირებთ შანსს, რომ ბრაუზერს მოუწიოს „გამოცნობა“, რის ჩვენებასაც ცდილობთ.

როდესაც სწორად აკოდირებთ და ავითარებთ ვებსაიტს, ამცირებთ გვერდის ჩატვირთვის სიჩქარეს და ბრაუზერის მიერ გვერდის ჩვენების სიჩქარეს.
გვერდის სიჩქარე კი Google-ის რეიტინგის ერთ-ერთი ფაქტორია, რომლის შესახებაც ყველამ ვიცით.

მიუხედავად ამისა, მაღალი ხარისხის, სწორად დაწერილი HTML და CSS კოდი ყოველთვის უნდა იყოს თქვენი საიტის განვითარების მუშაობის საბოლოო შედეგი.

თუ თქვენი კონკურენტების საიტებს კონკურენტების ანალიზში არ აქვთ ასეთი კოდირება თავიანთ სისტემაში, მაშინ გაქვთ უპირატესობა, რომელიც მათ წინააღმდეგ შეგიძლიათ გამოიყენოთ – დარწმუნდით, რომ თქვენი საიტის კოდირება და გვერდის სიჩქარე ბევრად უკეთესია, ვიდრე მათი, ყველა ასპექტში: კარგად ოპტიმიზებული კოდი, სერვერის შეფერხებების არარსებობა და ა.შ.

Schema.org კოდირება ლოკალური SEO-სთვის

Schema.org კოდირება უნდა იყოს ყველა ვებსაიტზე, სადაც Schema-ს მონაცემთა ტიპის ინფორმაციაა.

ეს გადამწყვეტია იმისთვის, რომ საიტი გამოჩნდეს „მდიდარ სნიპეტებში“ (rich snippets) და Google-ის საძიებო შედეგების კარუსელებში.

თუ ამ საიტებს არ აქვთ Schema Markup მონაცემთა იმ ტიპებისთვის, რომლებიც თქვენს საიტზეა, აქ კიდევ ერთი სასარგებლო რეიტინგის სიგნალი გაქვთ, რომლის ოპტიმიზაციაც თქვენს სასარგებლოდ შეგიძლიათ.

პირველი Schema Markup, რომელიც ნებისმიერ ადგილობრივ ბიზნესს უნდა ჰქონდეს, არის LocalBusiness Schema.

ადგილობრივად ოპტიმიზებული სათაურის ტეგები, მეტა აღწერილობები, URL-ები

ადგილობრივად ოპტიმიზებულ ყველა საიტს უნდა ჰქონდეს ადგილობრივად ფოკუსირებული სათაურის ტეგები, მეტა აღწერილობები და URL-ები.
რას ნიშნავს „ადგილობრივად ფოკუსირებული“?

ეს ნიშნავს, რომ თუ საკვანძო ფრაზების, მაგალითად, [Legal Services] ოპტიმიზაციას ცდილობთ, ქალაქის, ქვეყნის სახელი თქვენს სამიზნე საკვანძო სიტყვებში უნდა გამოიყენოთ.

აი, ადგილობრივად ოპტიმიზებული სათაურის ტეგების, მეტა აღწერილობებისა და URL-ების მაგალითი: https://advisergeo.com/

მეტა სათური: Best Legal Services in Georgia | Advisergeo

ადგილობრივი კონკურენტების ანალიზში, თქვენ ასევე ეძებთ კონკურენტებს, რომლებსაც შესაძლოა ჰქონდეთ ან არ ჰქონდეთ ადგილობრივად ოპტიმიზებული ტექსტი გვერდზე, მკაფიო თემითა და საკვანძო სიტყვების ფოკუსით.

როგორ „გაიმარტივოთ“ კონკურენტების კვლევა?

თუ ნამდვილად გსურთ ადგილობრივი კონკურენტების კვლევაში სიღრმეებში ჩახედვა, გირჩევთ, ჩაატაროთ მათი საიტების აუდიტი Screaming Frog-ის გამოყენებით.

უბრალოდ დააყენეთ Screaming Frog-ის პარამეტრები თქვენთვის სასურველ სპეციფიკაციებზე, „დაქროლეთ“ (ანუ, პროგრამას გადაატარეთ) თითოეული კონკურენტის საიტი და Excel-ის ცხრილის მონაცემების ექსპორტის შემდეგ გაფილტრეთ ყველა მონაცემი ისე, რომ მხოლოდ სათაურები, მეტა აღწერილობები და URL-ები გამოჩნდეს.

შეგიძლიათ ნახოთ, რას აკეთებენ ისინი H1 ტეგებზეც.

ყველა ამ სასარგებლო მონაცემის დათვალიერება ზუსტად გაჩვენებთ, რას აკეთებს თქვენი კონკურენტი საიტზე და დაგეხმარებათ თქვენი საიტის გაუმჯობესებაში.

კონკურენტული საკვანძო სიტყვების კვლევა

დაიწყეთ თქვენი კლიენტებისთვის საჭირო საკვანძო სიტყვების ადგილობრივად ფოკუსირებული ვერსიებით

საკვანძო სიტყვები და თემასთან შესაბამისობა მნიშვნელოვანი ფაქტორებია იმისთვის, რომ თქვენი ონ-ფეიჯ ოპტიმიზაცია სწორად იყოს მიზანში ამოღებული და სრულად ოპტიმიზებული.

საკვანძო სიტყვების კვლევისას, თქვენ ეძებთ სიტყვებს, რომლებსაც აქვთ კარგი საძიებო მოცულობა (თვეში საშუალოდ 70-ზე მეტი ძიება კარგი რიცხვია), დაბალი კონკურენცია და მაღალი მიზანმიმართულება.

ადგილობრივად ფოკუსირებული საკვანძო ფრაზა იურისტებისთვის შეიძლება იყოს [Tbilisi Law – Legal Services].
თუ შეეცდებით მხოლოდ „Legal Services]“-ზე დამიზნებას, ადგილობრივი ფოკუსის გარეშე, წარმატებებს გისურვებთ! მასიური ლინკების, ავტორიტეტის მშენებლობისა და ბაზრის ღრმად შეღწევა დასჭირდება, რათა თქვენს მარკეტინგს სასურველი მასშტაბები ჰქონდეს.
ასეთი საკვანძო სიტყვების კვლევისას, მნიშვნელოვანია ბაზრის ზომის გათვალისწინებაც.

მნიშვნელოვანია, ბაზრის ზომა გაითვალისწინოთ. მაგალითად, ლოს-ანჯელესის მსგავსი დიდი ბაზარი – სადაც მილიონობით ვებ-გვერდია Google-ის ინდექსში და ბევრმა ბიზნესმა უკვე მოიპოვა ავტორიტეტი – რადიკალურად განსხვავდება თბილისისგან. თუ ამას არ გაითვალისწინებთ და კლიენტს სამ თვეში ლოს-ანჯელესში მაღალ რეიტინგებს დაჰპირდებით, იმედგაცრუებული დარჩებით. ეს უბრალოდ არ მოხდება.

სავარაუდოდ, ერთ წელზე მეტი დასჭირდება, რომ ლოს-ანჯელესის ზომის ბაზარზე Google-ის პირველ გვერდზე მოხვდეთ. ეს, რა თქმა უნდა, იმ შემთხვევაში, თუ კონკურენტებს ლინკების მოპოვებასა და სხვა SEO ძალისხმევაში აჯობებთ.

იპოვეთ საუკეთესო საკვანძო სიტყვები: მაღალი საძიებო მოცულობა, დაბალი კონკურენცია და კონკრეტული მიზანი

ისეთ საკვანძო სიტყვებს, რომლებსაც მაღალი საძიებო მოცულობა აქვთ, დაბალი კონკურენცია და კონკრეტულ ნიშაზეა მიზანმიმართული, „ნამდვილ განძს“ ვეძახით.

ეს საკვანძო ფრაზები, როგორც წესი, თქვენი კლიენტებისთვის ყველაზე დიდ გაუმჯობესებას მოიტანს ერთ მნიშვნელოვან მაჩვენებელში: კონვერტაციებში.

დაბალი კონკურენცია კარგია, მაგრამ ადგილობრივი საკვანძო სიტყვების კვლევისას მთავარი მაინც მაღალი საძიებო მოცულობაა.

რაც უფრო მაღალია საძიებო მოცულობა, მით მეტია მომხმარებლების ინტერესი ამ თემის მიმართ.

თუ საძიებო მოცულობას სათანადო ყურადღებას არ მიაქცევთ, შესაძლოა შემთხვევით მოიპოვოთ რამდენიმე კონვერტაცია. მაგრამ ასეთი იღბალი დიდხანს არ გასტანს. გახსოვდეთ, ნებისმიერი SEO საქმიანობის საფუძველი მყარი კვლევაა.

მაღალ მიზნობრივი ნიშური საკვანძო სიტყვები არის ისეთი ფრაზები, რომლებსაც კონკრეტულად ის ადამიანები ეძებენ, ვისაც თქვენს ინდუსტრიაში კონკრეტული რამ აინტერესებთ. ამ „ძვირფასი ქვების“ მოსაძებნად, თქვენი ინდუსტრიის დეტალებში ღრმად უნდა ჩაეფლოთ.

მაგალითად, თუ იცით, რომ Fountain Valley-ში ხშირად ეძებენ იურისტებს ავტოავარიებისთვის, მაშინ უნდა გამოიყენოთ ისეთი საკვანძო ფრაზა, როგორიცაა [Fountain Valley auto accident attorney].

როცა ხედავთ, რომ ადამიანები ხშირად ეძებენ სპეციალიზებულ ნივთებს კონკრეტულ სფეროში, ამ ძიებების უკან, როგორც წესი, გარკვეული განზრახვა და კითხვები დგას.

ამ ფრაზების მაძიებელთა პოტენციური განზრახვის გაანალიზებითა და გააზრებით, შეგიძლიათ შეადგინოთ საკვანძო სიტყვების სია, რომელიც მოიცავს ამ თემების შესახებ კითხვებს. ეს კითხვები შემდეგ შეგიძლიათ გამოიყენოთ უფრო ღრმა და მიზანმიმართული კონტენტის გვერდების შესაქმნელად. ასეთი გვერდები კი შეიძლება ნამდვილ „კონვერტერებად“ იქცეს თქვენი კლიენტისთვის.

სწორედ ამ სიღრმისეული საკვანძო სიტყვების კვლევის მიზეზია ის, რომ შემდეგ შეგიძლიათ ზუსტად გაარკვიოთ, რომელი საკვანძო სიტყვები იმუშავებს საუკეთესოდ თქვენი კლიენტისთვის.